凹凸加工唔容易
凹凸加工利用熱力將紙張壓係凹凸版上,令紙張變形,產生立體效果。佢係一種常用既加工技術,通常用係咭片、明信片等紙製品之上。

但要留意既係,唔係所有紙都適合凹加工。太薄既紙會無法承受壓力而損毀,而太厚既紙會令凹凸效果唔明顯。

另外,好多人以為上色係放係凹凸加工之後。但其實,顏色係一早印係紙上,然後先至凹凸加工。由於凹凸加工會改變紙既結構,所以,要係加工前預先調整凹凸位置顏色塊既大小,否則會導致凹凸效果和上色都不理想。

凹凸加工好似好簡單,但其實好複雜。如果你既印刷品有凹凸效果的話,都係直接問一問專業既印刷公司先啦!!